Резиденти-домашни физички лица
Девизна сметка за физички лица
Отворање на девизна сметка
Еден ист клиент, Физичко лице може да отвори неограничен број на девизни сметки во една деловна банка во Република Македонија при што потпишува посебен договор за секоја сметка.
При отворање на девизната сметка задолжително е клиентот да има отворено и денарска трансакциска сметка во Централна кооперативна банка АД Скопје.
Пред воспоставување на било каков деловен однос банката врши идентификација на клиентот согласно одредбите од Законот за спречување на перење пари и финансирање тероризам и Програмата на Банката за имплементација на мерките за заштита од спречување на перење пари и финансирање тероризам. За таа цел клиентот задолжително пополнува соодветна Апликација за регистрација на клиент.
За вршење на работите на платниот промет со странство, Банката на барање на клиентот отвара девизна сметка по предходно отворена денарска сметка при што клиентот треба да ја достави и потпише следната документација:
Физичко лице – Резидент:
- Копија од важечка лична или патна исправа на лицето-барател или лицето овластено да отвори и/или располага со средствата на сметката;
- Полномошно заверено на Нотар ако Носителот на сметка не е лично присутен во банка;
- Апликација за регистрирање на клиент - Носител или Овластено лице (Формулар од банката);
- Барање за отварање на девизна сметка со Пријава за овластени лица (Специмен) за располагање со средствата на сметката (Формулар од банката);
- Договор за отварање и водење на девизна сметка (Формулар од банката);
- Изјава од Носителот на сметка или Овластеното лице за статус Резидент или Нерезидент, информираност за позитивните законски прописи во РМ и за термините и условите за отворање и водење на девизна сметка (Формулар од банката);
Физичко лице – Резидент по основ ДЕВИЗНА ПЕНЗИЈА:
- Копија од важечка лична или патна исправа на лицето-барател или лицето овластено да отвори и/или располага со средствата на сметката;
- Полномошно заверено на Нотар ако Носителот на сметка не е лично присутен во банка;
- Апликација за регистрирање на клиент – Носител или Овластено лице (Формулар од банката);
- Барање за отварање на девизна сметка со Пријава за овластени лица (Специмен) за располагање со средствата на сметката (Формулар од банката);
- Договор за отварање и водење на девизна сметка (Формулар од банката);
- Изјава од Носителот на сметка или Овластеното лице за статус Резидент или Нерезидент, информираност за позитивните законски прописи во РМ и за термините и условите за отворање и водење на девизна сметка (Формулар од банката);
- Пријава на корисник на девизна странска пензија (Формулар од банката);
- Изјава за остварено право на девизна странска пензија (Формулар од банката);
- Овластување за враќање на девизна пензија (Формулар од банката).
Наведената документација се доставува во оригинал (или фотокопија заверена на нотар) во најблиската експозитура на Банката од која Банката задолжително задржува фотокопија.
Наведената документација (на македонски јазик или на англиски со превод на македонски јазик од овластен судски преведувач) се доставува во оригинал (или фотокопија заверена на нотар) во најблиската експозитура на Банката.
Банката може да побара и друга дополнителна документација доколку од доставената не може да се утврдат неопходните податоци за идентификација на клиентот при отворање на девизната сметка.
Клиентите кои претходно се идентификувани во банката и имаат важечка документација, потребно е само да ги пополнат и достават предвидените формулари од Банката.
Дополнителни информации може да се добијат лично, телефонски или преку електронска пошта во сите Експозитури или Филијали на Банката.
Kонтакт информации:
Телефон: (00 389 2) 3249 371, 3249 373, 3249 395
e-mail:pps@ccbank.mk