Платен промет со странство за Резиденти - домашни физички лица
Платен промет со странство за резиденти - домашни физички лица
Платен промет со странство за физички лица
Што нуди платниот промет со странство?
Централна кооперативна банка АД Скопје преку својот интегриран и софистициран систем со најсовремени технолошки решенија за сите свои клиенти-корисници на банкарски услуги овозможува брз, ефикасен и сигурен начин на сите наплати и плаќања ширум светот, применувајки стандардизирани меѓународни платни инструменти и користејќи ја притоа широката мрежа на кореспондентски финансиски односи со странски и домашни банки.
Централна кооперативна банка АД Скопје извршува режимски денарски и девизни трансакции во платниот промет со странство за Резиденти - домашни физички лица по основ наплата од Нерезиденти и Резиденти и плаќања кон Нерезиденти или резиденти со посредство на:
- SWIFT - Глобален сервис за пренос на сигурни финансиски трансакции,
- TARGET2 - МИПС Евро модул на НБРМ за брзи ЕВРО плаќања и наплати,
- CCB Sofia,Bulgaria - за најефтини интерни валутни трансфери за клиенти на ЦКБ групација,
- BISERA 7 - за евтини и брзи трансфери во евра до EUR 50.000,00 за банки во/од Бугарија,
- МИПС - денарски модул на НБРМ за брзи и ефикасни денарски режимски трансакции,
- КИБС - Клириншки интербанкарски систем - каде налогопримачот може да располага со средствата на крајот од тековниот ден,
- ЦКБ АД Скопје – за интерни експресни и ефтини трансфери за клиенти на банката.
Девизнии Денарски наплати – приливи од Нерезидент
Приливите по налог на Физичко лице - Нерезидент спрема Физичко лице - Резидент се слободни и без никакви ограничувања. Сите останати девизни и денарски приливи се извршуваат согласно важечките законски прописи во државата.
За да насочите прилив на вашата сметка, неопходно е да го известите Налогодавачот со следните податоци:
- Central Cooperative Bank AD Skopje;
- SWIFT BIC CODE: CECBMK22;
- Вашиот IBAN број и/или број на сметка;
- Вашиот назив/име и презиме и целосна адреса.
Депонираните средства по основ на девизни приливи можат слободно и неограничено да останат на сметка или да се користат за плаќања кон нерезиденти, за сопствени трансфери на сметка или за продажба на истите на девизниот пазар.
Девизни наплати (лоро дознаки) се вршат во текот на тековниот работен ден од 08:00 часот до 16:00 часот.
Денарски наплати - банката извршува наплати во денари по налог на Нерезиденти(ТРС) клиенти на банката или по Налог на тековни денарски нерезидентни сметки отворени во друга домашна банка а во корист на трансакциски сметки на Резиденти-клиенти на банката по основ на :
- извршен извоз на стоки и услуги;
- побарувања од нерезиденти со соодветна документација.
Денарските трансакции се вршат согласно терминскиот план за платен промет во земјата.
Девизнии Денарски плаќања – одливи(дознаки) кон Нерезидент
Трансферите по Налог на Физичко лице - Резидент спрема Физичко лице - Нерезидент се слободни за вкупен износ до EUR 2.500,00 (или друга валутна противвредност) на месечна основа.
Сите останати девизни и денарски трансфери (дознаки) се извршуваат согласно важечките законски прописи во државата.
За извршување на дознаката неопходни се следните податоци за корисникот:
- IBAN или Број на сметка;
- Назив/Име и презиме и целосна адреса на корисникот;
- SWIFT/BIC код на банката на корисникот;
- Име на банката на корисникот.
Според стандарите на SWIFT дефинирани се три опции за распределба на банкарските провизии за девизните дознаки, по налог на клиентот од сметката во ЦКБ АД:
- OUR - сите банкарски провизии се на сметка на налогодавачот. Во оваа опција се вклучени провизиите на банката на налогодавачот, на банката - посредник /кореспондент/ и на банката на корисникот.
- SHA - провизијата на банката на налогодавачот се на сметка на налогодавачот. Провизијата на банката - посредник /кореспондент/ и на банката на корисникот се на сметка на корисникот.
- BEN - сите банкарски провизии се на сметка на корисникот. Во овој опција банката на налогодавачот си ја наплаќа провизијата од износот на дознаката.
Провизиите кои што ЦКБ АД Скопје ги наплаќа се согласно важечкиот Тарифник на банката.
Девизните плаќања/дознаки/ кон други сметки кај странски или домашни банки се извршуваат со поднесување на:
- уредно пополнет и потпишан налог за плаќање кон нерезидент;
- обезбедено покритие и провизија за плаќањето;
- пропратна документација за соодветно плаќање согласно важечката законска регулатива.
Денарски плаќања по Налог на резидент кон нерезидент - Банката извршува плаќања во денари во корист на денарски тековни сметки на Нерезиденти отворени во банката или во други домашни банки по Налог на Резидент-клиент на банката по основ на:
- извршен увоз на стоки и услуги;
- други обврски според приложена соодветна документација;
- уредно пополнет и потпишан налог за плаќање кон нерезидент.
Налогот за плаќање/дознака/ кон други сметки, клиентот може да го достави лично до банката или да ја овласти банката да го изготви Налогот во негово име и за негова сметка.
Девизните и денарските плаќања (ностро дознаки) се извршуваат од 08:00 до 14:00 часот со валута во тековниот работен ден.
По ваше барање дополнителни информации за платниот промет со странство може да се добијат во сите Експозитури/Филијали на банката и/или по телефон или електронска пошта.
Контакт информации:
Телефон: (00 389) 3249 371, 3249 373, 3249 395
e-mail: pps@ccbank.mk