Октомври 2020
Известување за нова локација на банкомат на ЦКБ
10/16/2020Почитувани клиенти,
Ве известуваме дека ЦКБ постави нов банкомат на следната локација: во просториите на локалот Шкорпион 13, бул. "Маршал Тито" бр. 79, Куманово. Банкоматот на локацијата Тобако МК, ТЦ Беверли хилс, Скопје е дислоциран.
Со почит,
Централна кооперативна Банка АД Скопје
Известување за неработен ден
10/9/2020Почитувани клиенти,
Ве известуваме дека по повод претстојниот празник, Ден на народното востание, експозитурите на Централна кооперативна Банка АД Скопје нема да работат на датум 12.10.2020 (понеделник).
Со почит,
Централна кооперативна Банка АД Скопје
Оглас за вработување
10/6/2020Централна кооперативна банка АД Скопје, дел од групацијата ЦКБ Груп ЕАД има потреба од вработување на едно лице заинтересирано за работно место Кредитен аналитичар во Scoring центар во Скопје.
Работниот однос е на определено време од 6 (шест) месеци со можност за продолжување на истиот на неопределено време.
Работното место воглавно ги опфаќа следниве активности:
поставување и одржување на позитивни работни врски со внатрешни и надворешни субјекти, за постигнување на целите на Банката;
информирање на своите претпоставени за сите активности и за други значајни проблеми од областа на работењето на организационата единица;
прием на комплетни кредитни барања за нивна натамошна обработка;
контрола и верификација на комплетност и уредност на барањата;
контрола на првичната анализа на барањата и дополнителна анализа во скоринг модел;
одлучување по кредитни барања во рамки на зададени овластувања;
комуникација со деловните единици од кои произлегуваат барањата;
анализирање на работата и давање на предлози и решенија;
познавање и следење на промените во законската регулатива, подзаконските акти и останати прописи од доменот на работење и овозможување на нивна примена во работењето од страна на вработените;
извршување на други должности, задачи и проекти делегирани од страна на повиски органи во согласност со правилата на Банката.
Дневно работно време: од 08:00 до 16:00 часот
Неделно работно време: понеделник – петок
За ова работно место предвидена е нето плата од 27.000 – 35.000 мкд во зависност од искуството и квалификациите на кандидатот.
Кандидатите треба да располагаат со следниве квалификации:
Најмалку високо образование од областа на економските науки;
Добри аналитички способности;
Висок степен на прецизност;
Креативност и способност за паралелно извршување на повеќе активности;
Способност за тимска работа и работа во динамична средина;
Способност за работа со утврдени временски рокови;
Способност за работа под притисок.
Работно искуство најмалку 2 години од областа кредитирање и кредитна анализа на физички лица;
Самомотивираност и способност за самостојно работење;
Солидно познавање на англиски јазик;
Одлично познавање на MS Office пакетот и работа со компјутери;
Возачка дозвола „Б“ – категорија.
Доколку сакате да станете дел од нашиот успешен тим, Вашите кратки биографии заедно со пропратно писмо испратете ги во електронска форма на e-mail: hr@ccbank.mk со назнака „За оглас – Кредитен аналитичар во Scoring центар“.
Огласот ќе биде активен заклучно со 13.10.2020 година.
Ненавремените и некомплетни апликации нема да бидат предмет на разгледување. Само кандидатите со уредни и навремени апликации, а кои одговараат на условите наведени во огласот, ќе бидат поканети на тестирање, односно интервју кое претставува дел од процесот на селекција на кандидати за вработување во Банката.
Рокот за избор на кандидати е од 45 до 120 дена по истекот на рокот за пријавување во зависност од бројот на пријавени кандидати.
Централна кооперативна банка АД Скопје
Ул. 1732 бр. 2
1000 Скопје Р. Македонија
Email: hr@ccbank.mk
Тел. (02) 3 249 308
ИЗВЕСТУВАЊЕ за исплата на средства на корисниците на парични права од социјална заштита за месец септември
10/2/2020Во насока на намалување на ризикот и заштита на здравјето на клиентите и вработените во Банката, средствата по основ на примања од социјални права за месец септември ќе бидат пренесени на сметките на корисниците на 02.10.2020 година (петок).
Сите клиенти кои имаат дебитни картички, средствата може да ги подигнат на банкоматите на ЦКБ или да ги користат средствата за плаќање во трговија почнуваќи од 02.10.2020.
Исплатата на средствата по основ на примања од социјални права на шалтерите во Банката ќе се врши врз основа на азбучен ред од почетната буква на презимето на клиентите во следните 3 групи:
1. 05.10.2020г. (понеделник) - А, Б, В, Г, Д, Ѓ, Е, Ж, З, Ѕ; 2. 06.10.2020г. (вторник) - И, Ј, К, Л, Љ, М, Н, Њ, О; 3. 07.10.2020г. (среда) - П, Р, С, Т, Ќ, У, Ф, Х, Ц, Ч, Џ, Ш.
Со почит,
Централна кооперативна банка ад Скопје
Септември 2020
ИЗВЕСТУВАЊЕ за предвремена исплата на пензии
9/25/2020Во насока на намалување на ризикот и заштита на здравјето на клиентите и вработените во Банката, средствата по основ на пензии за месец септември ќе бидат пренесени на сметките на корисниците на датум 28.09.2020 година.
Сите клиенти кои имаат дебитни картички, пензиите може да ги подигнат на банкоматите на ЦКБ или да ги користат средствата за плаќање во трговија почнувајќи од 28.09.2020.
Исплатата на средствата по основ на пензии на шалтерите во Банката ќе се врши врз основа на висината на пензијата во следните 4 групи:
1. До 11.000 денари 28.09.2020г. (понеделник) 2. 11.001-14.000 денари 29.09.2020г. (вторник) 3. 14.001-18.000 денари 30.09.2020г. (среда) 4. Над 18.001 денари 01.10.2020г. (четврток)
Со почит,
Централна кооперативна банка ад Скопје
ИЗВЕСТУВАЊЕ ЗА ПОНУДА
9/11/2020Понуда од Централна кооперативна банка АД Скопje за втор период на одложена отплата на обврските на клиентите на Банката - физички лица корисници на кредитни производи
Почитувани клиенти,
Заклучно со септември/октомври 2020 година завршува периодот на одложена отплата на кредитни производи за физички лица, согласно Понудата за промена на договорни услови на кредитните производи на клиентита на Банката - физички лица, број 02-3650/1 од 03.04.2020 година за одложување на отплатата на обврските по кредитните производи за период од 6 месеци.
Поради продолжувањето на несаканите ефекти од пандемијата, предизвикана од Ковид-19 кризата, а со цел да излезе во пресрет на своите клиенти – физички лица за полесно надминување на негативните последици, Централна кооперативна банка АД Скопје им овозможува одложена отплата на обврските на клиентите кои се соочуваат со финансиски потешкотии кои може да имаат влијание врз можноста за отплата на нивните обврски кон Банката.
Понудата се однесува на клиентите - физички лица, корисници на кредитни производи, кои имаат кредитна изложеност во Банката со класификација на категорија на кредитен ризик А, Б или В и немаат статус на нефункционална изложеност заклучно со датум 29.02.2020 година.
Одложувањето на плаќањето на обврските по кредитните производи на клиентите - физички лица, ќе биде за 6 месеци, односно за период од 01.10.2020 година до 31.03.2021 година, при што клиентите ќе треба исполнат најмалку еден од следните критериуми:
1) Престанок на работен однос на кредитокорисникот, неговиот брачен другар и/или кокредитокорисникот, по 31.03.2020 година;
2) Намалување на платата за повеќе од 10%, на кредитокорисникот, неговиот брачен другар и/или кокредитокорисникот, по 31.03.2020 година;
3) Потешкотии при отплатата на обврските спрема Банката, настанати поради вонредни медицински лични/семејни трошоци како последица на COVID 19 кај кредитокорисникот, неговиот брачен другар и/или кокредитокорисникот, по 31.03.2020 година;
4) Други постоечки потешкотии директно или индиректно поврзани со COVID 19 кризата, кои треба да се опишат и соодветно да се документираат со докази.
Сите клиенти - физички лица корисници на кредитни производи на Банката, кои сметаат дека исполнуваат некој/и од погоренаведените критериуми, а кои истовремено имаат потреба за шестмесечно одложување на месечните отплати за периодот од 01.10.2020 до 31.03.2021 година, треба да поднесат соодветно писмено барање до Банката.
Образецот - барање, може да се добие во било која од деловните единици (експозитури) на Банката или да се превземе од официјалната интернет страница на Банката. Во барањето е задолжително да бидат наведени критериумите кои клиентот смета дека се исполнети, за што треба да достави соодветни докази.
На сите клиенти - физички лица, кои ќе поднесат барање заклучно со 21.09.2020 година, а кои исполнуваат некој од дефинираните критериуми во оваа Понуда, Банката ќе им понуди шестмесечно одложување на месечните отплати.
Секое барање за измена на договорните услови за отплата односно шестмесечно одложување на месечните отплати, ќе се разгледува поединечно и врз основа на презентираните документи и докази за секој наведен критериум, па соодветно ќе биде одобрено или одбиено.
Сите барања за одложена отплата на обврските согласно оваа Понуда, кои ќе бидат одобрени од Банката, се спроведуваат со писмени анекси кон договорите за кредитна изложеност и/или кон договорите за залог.
Оваа Понуда важи од денот на објавување на интернет страницата на Банката, а заклучно со 21.09.2020 година.
Клиентите-физички лица кои согласно оваа Понуда сметаат дека исполнуваат најмалку еден од горенаведените критериуми, потребно е во една од деловните единици (експозитурите) на Банката да достават барање, како и задолжително да приложат соодветна документација со која се докажува дека е исполнет критериумот кој го наведуваат како причина за одложување:
1. Потврда за плата од 01.01.2020 година заклучно со 31.08.2020 година – податок за платата за секој месец поединечно;
2. Извод од трансакциска сметка на која се евидентирани намалените приходи;
3. Доказ за престанок на работен однос – М1/М2 Образец;
4. Документација за медицински лични/семејни трошоци настанати како последица на COVID 19.
Доколку во предвидениот рок, односно најдоцна до 21.09.2020 година, клиентите не се обратат во некоја од деловните единици (експозитурите на Банката) со барање за одлагање, со комплетна документација, продолжуваат со редовна отплата на обврските по кредитните производи.
Адресните податоци за деловните единици (експозитурите) на Централна кооперативна банка АД Скопје, може да се најдат на интернет страницата на Банката.
Банката во секој случај го задржува правото да одлучува за секое поединечно барање, согласно интерните акти и сопствена оценка.
Со почит,
Централна кооперативна банка АД Скопје 11.09.2020
Известување за неработен ден
9/7/2020Почитувани клиенти,
Ве известуваме дека по повод претстојниот празник, Ден на независноста, експозитурите на Централна кооперативна Банка АД Скопје нема да работат на 08.09.2020 (вторник).
Со почит,
Централна кооперативна Банка АД Скопје
Промотивно за сите корисници на ЦКБ Mastercard®!
9/3/2020Плаќај со ЦКБ Mastercard® и добиј специјални цени за iPhone 11 64GB, iPhone 11 Pro 64GB and iPhone 11 Pro Max 64GB!
*Промоцијата важи до 24.септември 2020 година, или додека има на залиха.
https://istyle.mk/iphone-mastercard
ИЗВЕСТУВАЊЕ за исплата на средства на корисниците на парични права од социјална заштита за месец август
9/1/2020Во насока на намалување на ризикот и заштита на здравјето на клиентите и вработените во Банката, средствата по основ на примања од социјални права за месец август ќе бидат пренесени на сметките на корисниците на 01.09.2020 година.
Сите клиенти кои имаат дебитни картички, средствата може да ги подигнат на банкоматите на ЦКБ или да ги користат средствата за плаќање во трговија почнувајќи од 01.09.2020.
Исплатата на средствата по основ на примања од социјални права на шалтерите во Банката ќе се врши врз основа на азбучен ред од почетната буква на презимето на клиентите во следните 3 групи:
1. 02.09.2020г. (среда) - А, Б, В, Г, Д, Ѓ, Е, Ж, З, Ѕ; 2.03.09.2020г. (четврток) - И, Ј, К, Л, Љ, М, Н, Њ, О; 3. 04.09.2020г. (петок) - П, Р, С, Т, Ќ, У, Ф, Х, Ц, Ч, Џ, Ш.
Со почит,
Централна кооперативна банка ад Скопје
Август 2020
Известување за неработен ден
8/27/2020Почитувани клиенти,
Ве известуваме дека по повод претстојниот празник “Успение на Пресвета Богородица (Голема Богородица)”, експозитурите на Централна кооперативна банка АД Скопје нема да работат во петок (28.08.2020 година).
Со почит,
Централна кооперативна Банка АД Скопје
ИЗВЕСТУВАЊЕ за предвремена исплата на пензии
8/25/2020Во насока на намалување на ризикот и заштита на здравјето на клиентите и вработените во Банката, средствата по основ на пензии за месец август ќе бидат пренесени на сметките на корисниците на датум 26.08.2020 година.
Сите клиенти кои имаат дебитни картички, пензиите може да ги подигнат на банкоматите на ЦКБ или да ги користат средствата за плаќање во трговија почнувајќи од 26.08.2020.
Исплатата на средствата по основ на пензии на шалтерите во Банката ќе се врши врз основа на висината на пензијата во следните 4 групи:
1. До 11.000 денари 26.08.2020г. (среда) 2. 11.001-14.000 денари 27.08.2020г. (четврток) 3. 14.001-18.000 денари 31.08.2020г. (понеделник) 4. Над 18.001 денари 01.09.2020г. (вторник)
Со почит,
Централна кооперативна банка ад Скопје
СООПШТЕНИЕ ЗА КЛИЕНТИТЕ НА ЕУРОСТАНДАРД БАНКА
8/19/2020Со цел да одговори на актуелната потреба за опслужување на постоечките клиенти на Еуростандард банка, Централна кооперативна банка АД Скопје се придружува на заедничките напори на банкарскиот сектор за брзо згрижување и прифаќање на клиентите кои останаа без матична банка за прием на своите месечни примања.
Имајќи го во предвид погоренаведеното, во текот на месеците август и септември 2020 година, Централна кооперативна банка АД Скопје ќе им одобри дозволено пречекорување од две пензии или две нето плати, на сите апликанти клиенти на Еуростандард Банка, кои ќе се одлучат своите месечни примања да ги добиваат на своја сметка во Централна кооперативна банка АД Скопје. Единствен услов за одобрување на предвиденото дозволено пречекорување од две пензии или две нето плати е апликантите да имаат историја на редовни отплаќачи на кредитни изложености во последните шест месеци. На секој прифатен апликант, ќе му биде издадена и дебитна платежна картичка. На сите апликанти кои низ редовна процедура ќе ја докажат својата кредитоспособност, Банката може да им одобри и повисоки кредитни изложености во рамки на својата актуелна продуктна палета.
Дополнително, на сите нови клиенти кои своите месечни примања по основ на пензија ќе ги примаат преку сопствена сметка во Централна кооперативна банка АД Скопје ќе им биде намален месечниот надомест за одржување на трансакциска сметка за 50%, до 31.12.2020 година.
Централна кооперативна банка АД Скопје е подготвена низ брза процедура и со минимална документација да го прифати секој нов апликант примател на пензија или плата. На располагање ја ставаме нашата деловна мрежа сочинета од 26 деловни единици и 35 банкомат распоредени во градовите Скопје, Тетово, Битола, Куманово, Крива Паланка, Прилеп, Штип, Охрид, Велес, Струмица, Кавадарци, Гевгелија, Пробиштип, Кратово и Ресен.
Понудата не е ограничена на постоечки клиенти на Еуростандард Банка и важи за сите апликанти кои ќе одлучат приемот на својата пензија или плата да го прават на своја сметка во Централна кооперативна банка АД Скопје.
Со почит
Централна кооперативна Банка АД Скопје
Оглас за вработување
8/19/2020Централна кооперативна банка АД Скопје, дел од групацијата ЦКБ Груп ЕАД има потреба од вработување на едно лице на работно место Стручен соработник за администрирање на мрежи и сигурност во Дирекцијата за информатички технологии на неопределено време.
Дневно работно време: од 08:00 до 16:00 часот
Неделно работно време: понеделник – петок
За ова работно место главните задачи и одговорности воглавно се однесуваат на:
- Дизајн, инсталација и надгледување на мрежна инфраструктура
- Мониторирање на мрежна инфраструктура и мрежен сообраќај
- Конфигурирање на телекомуникациски уреди (router, switch, firewall, ips)
- Конфигурирање и администрирање на антивирус и антиспам филтри
- Конфигурирање и администрирање на пасивна мрежна инфраструктура
- Администрирање и извршување на регуларни резервни копии
- Изготвување на детална техничка документација, мрежни дијаграми, мрежна инфраструктура и слична документација
- Следење на сигурност на мрежна инфраструктура и превенција од неовластен пристап
Избраниот кандидат треба да поседува:
- Мотивираност за проучување, совладување и примена на нови методологии, техники и технологии
- Самоиницијативност и тимска работа во динамично окружување;
- Одлични комуникациски способности;
- Позитивен приод кон работата;
- Висок степен на прецизност;
- Претходно работно искуство со мрежни инфраструктури ќе се смета за предност.
Банката нуди одлични услови за работа и можност за стручно усовршување како и напредок и развој во кариерата. Доколку сакате да станете дел од нашиот успешен тим, пополнете ја апликацијата на нашата интернет страница www.ccbank.mk во делот вработување и пракса или испратете CV и пропратно писмо на hr@ccbank.mk.
Огласот ќе биде активен заклучно со 28.08.2020 година.
Ненавремените и некомплетни апликации нема да бидат предмет на разгледување. Само кандидатите со уредни и навремени апликации, а кои одговараат на условите наведени во огласот, ќе бидат поканети на интервју кое претставува дел од процесот на селекција на кандидати за вработување во Банката.
Рокот за избор на кандидати е од 45 до 120 дена по истекот на рокот за пријавување во зависност од бројот на пријавени кандидати.
Централна кооперативна банка АД Скопје
Ул. 1732 бр. 2
1000 Скопје Р. Македонија
Email: hr@ccbank.mk
Тел. (02) 3 249 308
Оглас за вработување
8/19/2020Централна кооперативна банка АД Скопје, дел од групацијата ЦКБ Груп ЕАД има потреба од вработување на едно лице на работно место Соработник за клиентска услуга во Експозитура Тетово.
Работниот однос е на определено време од 6 (шест) месеци со можност за продолжување на истиот на неопределено време.
Дневно работно време: од 08:00 до 16:00 часот
Неделно работно време: понеделник – петок
Кандидатите треба да располагаат со следниве квалификации и познавања:
- Најмалку високо образование од областа на економските науки;
- Солидно познавање на англиски јазик;
- Одлично познавање на MS Office пакетот и работа со компјутери.
Избраниот кандидат треба да поседува:
- Работно искуство најмалку 1 година;
- Самоиницијативност и тимска работа во динамично окружување;
- Одлични комуникациски способности;
- Позитивен приод кон работата;
- Висок степен на прецизност.
За ова работни места предвидена е основна нето плата од 18.000 до 25.000 денари во зависност од квалификациите и искуството на кандидатот, како и можност за дополнителни бонуси и награди во согласност со вложениот ангажман и остварените резултати. Банката нуди одлични услови за работа и можност за стручно усовршување како и напредок и развој во кариерата. Доколку сакате да станете дел од нашиот успешен тим, испратете CV и пропратно писмо на hr@ccbank.mk.
Огласот ќе биде активен заклучно со 28.08.2020 година.
Ненавремените и некомплетни апликации нема да бидат предмет на разгледување. Само кандидатите со уредни и навремени апликации, а кои одговараат на условите наведени во огласот, ќе бидат поканети на тестирање, односно интервју кое претставува дел од процесот на селекција на кандидати за вработување во Банката.
Рокот за избор на кандидати е од 45 до 120 дена по истекот на рокот за пријавување во зависност од бројот на пријавени кандидати.
Централна кооперативна банка АД Скопје
Ул. 1732 бр. 2
1000 Скопје Р. Македонија
Email: hr@ccbank.mk
Тел. (02) 3 249 308
Промотивно за сите корисници на ЦКБ Visa картички!
8/10/2020Почитувани клиенти,
Со секоја сметка над 2.000 денари во dm дрогериите платена со ЦКБ Visa картичките добивате ваучер од 500 денари.
*Акцијата се однесува на првите 5.000 сметки во периодот од 10.08.2020 до истекот на залихите.
Со почит,
Централна кооперативна Банка АД Скопје